Shartnoma shartlari

Ushbu sahifada TAMAL INVEST xizmatlari bo'yicha mulkdor bilan tuziladigan boshqaruv shartnomasining asosiy shartlari keltirilgan. Xizmatlarni "Baraka Estate Investments" MCHJ (INN 311539248) ko'rsatadi.

Bu yerdagi ma'lumot tanishish uchun. Tomonlarning huquq va majburiyatlari imzolanadigan boshqaruv shartnomasi bilan belgilanadi. Farq bo'lsa, imzolangan shartnoma ustun turadi.

Boshqaruv shartnomasi kamida 1 yil muddatga tuziladi. Muddat tugagach, tomonlar kelishuvi bilan shartnoma uzaytirilishi mumkin.

Kompaniya xonadonga ijarachi topadi, ijarachi bilan rasmiy ijara shartnomasini tuzadi, oylik ijara to'lovlarini yig'adi va mulkdorga hisobot beradi.

Ta'mirlash ishlari usta tomonidan foto va video hisobot hamda smeta bilan bajariladi. Boshqaruvdagi har bir xonadon hamkor sug'urta kompaniyasi orqali yong'in va suv bosishi xavfidan kompaniya hisobidan sug'urtalanadi.

Mulkdor mulkka egalik huquqini tasdiqlovchi hujjatlarni taqdim etadi va xonadonni kelishilgan holatda topshiradi.

Ta'mirlash xarajatlari mulkdor zimmasida bo'lib, navbatdagi ijara tushumidan ushlab qolinadi. Uy boshqaruv kompaniyasi (TSJ) xarajatlari ham mulkdor hisobidan qoplanadi.

Ijarachi to'lagan ijara summasining 90% qismi mulkdorga, 10% qismi boshqaruv haqi sifatida kompaniyaga tegishli. Boshqaruv haqi oyiga kamida $50 ni tashkil etadi.

Ijara pulini manager naqd qabul qiladi. Mulkdorga tegishli ulushni jismonan topshirish alohida qayd etiladi; saytda avtomatik bank o'tkazmasi yo'q. Svet, gaz, suv va internet uchun ijarachi to'laydi.

Kafolat depozit talab qilinmagan ijara shartnomasidan keyingi bo‘shashga tegishli. Depozit talabi va limiti manager yoki super admin tomonidan belgilanadi; depozitli variantda kafolat qo‘llanmaydi.

Dastlabki 14 kun — qidiruv. 15-kundan yangi ijara boshlanish sanasigacha har bo‘sh kun uchun oldingi oylik shartnoma narxi / 30 × 50% hisoblanadi. Kompensatsiya tashqarida naqd yoki kartadan kartaga beriladi; profilda to‘langan holati avtomatik qayd etiladi.

Xonadonni ijaraga tayyorlash uchun kompaniya $2000 gacha mebel va texnika xaridini moliyalashtirishi mumkin. Bu xarajat dastlabki 3-4 oylik ijara tushumidan, mulkdorning 90% ulushidan ushlab qolinadi.

Ijara davrida mulkdor xonadonga kirishi mumkin. Buning uchun kamida 1 kun oldin kompaniyani yoki xonadonda yashayotgan ijarachini ogohlantirish kerak.

Kompaniya o'z majburiyatlarini bajarmasa, mulkdor shartnomani muddatidan oldin bekor qilishi mumkin.

Bekor qilishning boshqa asoslari, tartibi va yakuniy hisob-kitoblar imzolanadigan shartnomada belgilanadi.

Nizolar avvalo muzokaralar yo'li bilan hal qilinadi. Kelishuvga erishilmasa, nizo O'zbekiston Respublikasi qonunchiligiga muvofiq sud tartibida ko'rib chiqiladi.

Savollar bo'lsa, +998 94 772 77 62 raqamiga qo'ng'iroq qiling yoki info@tamal-invest.com manziliga yozing. Manzil: Toshkent shahri, Mirzo Ulug'bek tumani, Sayram 5-tor ko'chasi.